Një 18-vjeçar shqiptar u dënua me 18 muaj burg me akuzën e tregtimit të drogës.
I riu u ndalua nga policia në Swanley në Britaninë e Madhe.
Namik Hysa, ishte duke drejtuar automjetin në mënyrë të çrregullt në rrugën e vjetër në Maidstone, kur patrullat e ndaluan atë më 1 korrik.
Në momentin e ndalimit, Hysa tregoi një leje drejtimi rumune.
Ai u përpoq të ikte para se t’i gjendeshin 20 qese me lëndë narkotike, dhe një shumë parash në vlerë gati 200 paund.
Pasi u mor në paraburgim, Hysa këmbënguli se ishte rumun.
Policia mësoi për prejardhjen e tij shqiptare kur një përkthyes u thirr për t’i ndihmuar.
Ai u shpall fajtor për posedimin e kokainës, drejtimin e mjetit pa siguracion dhe një dokument të rremë identifikimi.
“Dënimi i Namik Hysa është një shembull tjetër se sa efektivë vazhdojnë të jenë oficerët tanë, në identifikimin dhe trajtimin e atyre që përpiqen të shesin drogë brenda komuniteteve tona”, tha një zyrtar i policisë.
