Ylli Manjani, ish-ministër i Drejtësisë, ka reaguar lidhur me raportin sekret të policisë, sipas të cilit ka një rritje të sipërfaqeve me hashash.
Manjani shkruan se raporti sekret, por edhe rritja e sasisë të hashashit të kapur nga policia Greke dhe Italiane, tregojnë se nuk e paskemi mbyllur këtë biznes.
“Llogjika dhe përvoja na sugjerojnë që policia gjithmonë arrin të kapë një sasi të vogël të mallit që është prezent”, shkruan ai.
Postimi Ylli Manjani
Ore, më duket se ka rilindur prap hashashi.
Raporti sekret i Policisë që zbuloi ABC news, por edhe rritja e sasisë të hashashit të kapur nga policia Greke dhe Italiane, tregojnë se nuk e paskemi mbyllur këtë biznes!!!
Llogjika dhe përvoja na sugjerojnë që policia gjithmonë arrin të kapë një sasi të vogël të mallit që është prezent.
Natyrisht mediat e zotëruara nga qeveria nuk kanë lajme për të dhënë për këtë gjë. As gazetarët investigativë. Këto të fundit kanë më hesap të merren me thashetheme bulevardi, me pilaf venezian, me histori rozë apo edhe me kush ja lyp kujt….
Pra edhe ky huqi i drogës, shqiptarëve të interesuar qenka duke u dalë me shpirtin. Dhe shpirti i këtij fenomeni është RILINDJA.
Asnjë iluzion!
Drogë, drogë, drogë, drogë, drogë……..
Na damkosën përfundimisht si drogaxhinjt e Europës!
