Kandidati për kryeministër të Kosovës, Ramush Haradinaj ka qenë i ftuar në një dasmë familjare. Bashkë me të njohur dhe bashkëshorten e tij Anita, Haradinaj nuk ka nguruar t’i afrohet mikrofonit dhe t’ja marrë këngës.
Ka qenë kunata e tij Lola Haradinaj ajo që ka publikuar videon që u shpërnda me shpejtësi në rrjete sociale. I veshur me këmishë të bardhë, kollarë dhe pantallona serioze, këngëtarja Yllka Kuqi i ka afruar mikrofonin, dhe kandidati për kryeministër, Haradinaj ka filluar të këndojë një këngë popullore.
Këtë periudhë në Kosovë organizohet fushata zgjedhore, dhe pavarësisht ngarkesës, Ramush Haradinaj gjen kohë të argëtohet dhe të rrëmbejë vëmendjen me veprimet e tij të pazakonta për një kryeministër.
