Mbrëmjen e djeshme u luajt derbi i kryeqytit Tirana-Partizani i cili përfundoi me rezultatin 1-2 në favor të të kuqve. Por ajo që bëri më shumë lajm ishte incidenti i regjistruar para startit të takimit. Tifozeritë e të dyja palëve zbritën në fushën e blertë dhe u përleshën me njëra-tjetrën.
Pasditen e sotme, ka ardhur dhe reagimi i klubit të Tiranës, mbi të cilin binin më shumë përgjegjësitë si klubi organizativ i ndeshjes.
Nëpërmjet një postimi në Facebook, shprehet se distancohet nga aktet e dhunës dhe dënon ashpër të gjitha problematikat e krijuara nga tifozët. Shprehet e gatshme për të bashkëpunuar me institucionet policore dhe për të vënë para drejtësisë personat përgjegjës
Reagimi i plotë:
Klubi i Futbollit Tirana distancohet nga te gjitha aktet e dhunes, shfaqjet e shemtuara jo sportive dhe denon ashper te gjitha problematikat e krijuara nga tifozet ne ndeshjen Tirana – Partizani.
KF Tirana ka zbatuar me rigorozitet planin e masave te hartuar me Policine e Tiranes per mbarevajtjen e takimit brenda dhe jashte stadiumit “Selman Stermasi”.
Ne perfundim te takimit, klubi ka vene ne dispozicion te Policise, serverat e sistemit te kamerave te stadiumit, per te gjetur dhe denuar me pas pergjegjesit e incidenteve ne stadium por edhe autoret e incidenteve te mbetura fatmiresisht ne tentative.
Klubi i Futbollit Tirana eshte nje klub futbolli dhe jo nje institucion policior. Si i tille, konform te gjithe rregullave te Federates Shqiptare te Futbollit dhe ligjeve te Shtetit Shqiptar, kemi marre masa organizative per ndeshjen, si dhe dokumentuar me pamje filmike incidentet dhe dorezuar ato me pas ne institucionet perkatese.
Ftojme KF Partizanin te ruaj qetesine, bashkepunoje me Policine nese disponon materiale filmike apo prova per te gjetur autoret dhe fajtoret e incidenteve ne stadium. Nje klub futbolli mund dhe duhet te mos kaloje kompetencat per te folur nxituar here si hetues dhe here te tjera si prokuror.
