Sekretari amerikan i Shtetit, Mike Pompeo do të nisë një tur udhëtimesh këtë të hënë ku do të vizitojë Italinë, Malin e Zi, Maqedoninë e Veriut dhe Greqinë.
Në fokus do të jetë angazhimi i Shteteve të Bashkuara në NATO dhe përkushtimin i Uashingtonit për zgjerimin e aleancës.
Një zyrtar i lartë i Departamentit të Shtetit ka deklaruar se vizita do të ishte një sinjal mbështetës për Malin e Zi si vend i ri anëtar dhe për Maqedoninë e Veriut, rruga e së cilës është hapur tashmë për anëtarësim.
Ai gjithashtu ka thënë se Shtetet e Bashkuara mbeten shumë të fokusuara në rajonin e Ballkanit Perëndimor, i cili është nga ana strategjike i rëndësishëm për vizionin e bashkimit, lirisë dhe paqes së Europës, raporton Vizion+.
Në Maqedoninë e Veriut sekretari Pompeo do të zhvillojë takime me kryeministrin Zoran Zaev dhe presidentin Stevo Pendarovski ndërsa do të vizitojë edhe një manastir në qytetin e Ohrit.
Sipas të dhënave nga departamenti, nuk është planifikuar ndalesa e zyrtarit të lartë amerikan në Tiranë.
