Një 21 vjeçar u arrestua nga policia e Fierit, pasi kërcënoi hallën e tij që të tërheqë kallëzimin kundër dy vëllezërve të tij.
Ata u arrestuan pak ditë më parë, pasi dhunuan hallën e tyre që i mbante në shtëpi pas vrasjes së të ëmës nga babai dhe burgosjen e këtij të fundit.
Njoftimi:
Specialistët për Hetimin e Krimeve në Komisariatin e Policisë Fier, bën ndalimin e shtetasit të shpallur në kërkim:
B.M, 21 vjeç, banues në Fier.
Ndalimi i këtij shtetasi u bë pasi ka kërcënuar e kanosur për tërheqje të kallëzimit, hallën e tij, shtetasen M.B, 45 vjeçe, kallëzim i cili ka çuar në pranga në datë 13.09.2019 dy vëllezërit e tij për dhunë të ushtruar ndaj hallës.
Materialet i kaluan Prokurorisë pranë Gjykatës së Shkallës së Parë Fier për veprën penale “Kanosja për të mos kallëzuar”.