Është ndarë nga jeta në moshën 72-vjeçare kreu i Shoqatës” Durrësi”, Shpëtim Metani. Lajmi për këtë humbje është dhënë nga kryebashkiakja e Durrësit, Valbona Sako.
Metani ka dhënë një kontribut te paçmuar qytetit bregdetar në promovimin e vlerave dhe krijimin e festave simbol siç ishin, “Mikpritja Durrsake”, “Festa e Ullirit”, “Festa e Detit” etj.
Ja postimi i Sakos:
Me trishtim mësova lajmin e ndarjes nga jeta të Z. Shpëtim Metani, kryetar i shoqatës “Durrësi”.
Një qytetar model, veprimtaria e të cilit ka lënë gjurmë dhe do të kujtohet e nderohet gjithmonë nga qytetaria Durrsake.
Ngushëllime të sinqerta familjes.
Ju ftoj ta nderojmë të gjithë së bashku për në banesën e fundit:
- Nesër në orën 10 tek Pallati i Kulturës Aleksandër Moisiu.
