Një 35-vjeçar është vënë në pranga nga policia e Durrësit të hënën e javës së kaluar pas denoncimit të një shtetaseje. Kjo e fundit është shprehur në kallëzimin e saj se Bledar K. i është futur në dhomën e hotelit ku qëndronte dhe tentoi ta përdhunojë.
Bledar K. është vënë në pranga nga policia, i akuzuar për veprën penale “Vjedhje me dhunë”, psi dyshohet se ka marrë telefonin e L.L. dhe një sasi parash, pas mësyrjes në dhomën e hotelit ku ajo qëndronte. Në seancën për masën e sigurisë, gjykata e Durrësit vendosi ndaj tij masën e sigurisë “Arrest në burg” me afat 45 dite, në përputhje me kërkesën e prokurorisë.
Arrestimi
Ishte një telefonatë në orën 4 të mëngjesit të datës 15 shtator që vuri në lëvizje policinë. Në dosjen e prokurorisë sqarohet se personi që telefonoi sallën operative, kërkonte ndihme tek stacioni i trenit. Nga ana e patrullës është shkuar menjëherë dhe është marrë kontakt me shtetasen L.L. e cila ka deklaruar se, një person kërkonte ta përdhunonte dhe e kishte kërcënuar në dhomën e saj tek hotel xxx , në “Lagjen 12” Durrës. Patrulla e policisë bashke me viktimën janë nisur për tek hotel xxx dhe tek shkallet e hotelit ka qenë shtetasi Bledar K. Aty, shtetësia L.L. ka treguar se ky është personi qe ka tentuar ta përdhunoje dhe e ka kërcënuar. Në këto kushte është bërë dhe arrestimi në flagrance i Bledar K.
Dëshmia
Në deklarimet e saj, L.L. ka deklaruara se: kam 5 ditë që kam ardhur në Durrës dhe kam qëndruar tek hotel “xxx” dhoma nr.36 në ‘Lagjen 12’. Më datë 14 shtator, pasi kam bërë një xhiro, rreth orës 21:00 jam kthyer në hotel. Në recepsion ka qene shtetasi që e thërrasin L., kam pirë një makiato dhe jam ngjitur lart, kam bërë dush dhe kam shkuar në dhome, jam shtrirë për të fjetur, në ketë moment kam dëgjuar një zhurmë që vinte nga dritarja, me pas kam ndjerë një person që në vuri diçka në fytyrë, pastaj me ka kapur në qafe dhe me ka shtrënguar fort për rreth 15 minuta. I kam thëne ‘çfarë do, mere dhe mos me vrit’, më pas ky person është larguar, kam dalë me vrap dhe kam njoftuar policinë.
Me pas, policia ka marrë personin në fjale dhe e ka futur në furgonin e policisë, është kontrolluar dhoma e hotelit në të cilën ka ndodhur ngjarja dhe ka rezultuar se, në dhomën e hotelit të shtetases L.L. mungonte telefoni ndërsa në portofol kishte 3.000 leke.
Në këto kushte, është bërë dhe arrestimi në flagrance i Bledar K. akuzuar për kryerjen e veprës penale të “Vjedhje me dhune”.
/Boldnews.al/
