Ditën e sotme përmes një statusi në rrjetet sociale balerini i famshëm shqiptar, Ilir Kerni ka njoftuar për emërimin e tij në krye të Teatrit të Baletit në Kroaci. Ndërkohë që jo më arg se disa vite më parë, Kerni ka mbajtur këtë post edhe në krye të Teatri Kombëtar në vendin tonë, por shumë shpejt ka ardhur edhe dorëheqja.
Lidhur me këtë ka reaguar edhe sopranoja shqiptare me famë botërore, Ermonela Jaho. Në një status në Facebook ajo ka shprehur jo vetëm përgëzimet për punën dhe arritjet e tij.
““Urime Ilir Kerni per emerimin e merituar si Drejtor i Baletit ne Teatrin Kombetar te Splitit (2019-2023) dhe komplimenta kroateve per largpamesine dhe vleresimin ndaj nje vlere artistike kombetare shqipetare si ju…”, shkruan Ermonela Jaho në rrjetet e saj sociale.
Megjithatë, përtej punës dhe krenarisë që përçon imazhi i një njeriu që arrin sukses, vendi ynë tregoi edhe një herë se si e përbuz, përçmon dhe mërzit deri në largim cdo njeri që jep maksimumin e tij. Në postimin pas largimit, ai sqaronte se në vendin tonë arti është shumë pak i vlerësuar dhe se “Vetem Kosova, pa permendur vendet e rajonit, ka 9 here me shume buxhet per programin artistik”.