Ilir Kerni është emëruar drejtor i Teatrit Kombëtar i Kroacisë.
Kerni është i pari balerin shqiptar që ka arritur majat arstistike në botë pasi dhe si primo – balerin u angazhua menjëherë në TOB në Tiranë.
Për aktivitet të shquar artistik vlerësohet me një sërë titujsh, si Artist i merituar, Çmimi i Republikës, dekorohet me Urdhri “Naim Frashëri” i klasit të II–të” etj. Në të njëjtën kohë është angazhuar edhe si pedagog në Akademinë e Baletit – Tiranë. Po ashtu, si pedagog ka qenë i angazhuar dhe në Tokio, Francë, Kroaci.
Në vitin 1990 fiton bursën e UNESCO–s për pedagogji e kërcim, në “Grand Opera” në Paris. Pasi përfundon këtë të fundit, angazhohet në “Opera de Strasburg”.
Nga 1994-2013 ishte i angazhuar si primo – balerin në Teatrin Nacional Zagreb, ku edhe këtu, për punë kualitative është dekoruar disa herë, si: dy herë me çmimin “Oskar Ormosh”, si dhe në vitin 2002 i jepet “Çmimi më i lartë në Kroaci” për rolin e Mefistofelit në baletin “Fausti”, si roli më i mirë, çmim për të cilin është nominuar edhe tri herë të tjera. Më 2005 i është besuar edhe detyra e baletmaestrit të trupës, ku është i angazhuar.
Ai mbante postin drejtori i Teatrit të Operas dhe Baletit në 2013. Ai dha dorëheqjen nga ky post drejtues pas një sërë kontradiktash lidhur me drejtimin e këtij institucioni, ndërkohë që pas tij këtë post e mori Zana Çela.
