Sulmuesi shqiptar, Muzafer Ejupi me origjinë nga Tetova, i cili luan me skuadrën e Slaven Belupos është dhunuar barbarisht në Kroaci.
Mësohet se Ejupi ka qenë viktimë e një sherri banal në një parking, ku i shoqëruar nga kunati i tij është sulmuar barbarisht nga një shtetas kroat.
Një reagim ka ardhur edhe nga klubi ku ai luan, të cilët kanë sqaruar të gjithë situatën e futbollistit të tyre.
“Lojtari ynë Muzafer Muzo Ejupi është në shtëpi, ku edhe po rikuperohet nga një sulm i rëndë fizik. I dëshirojmë një rikuperim të shpejtë me sa më pak pasoja të jetë e mundur. Gjithashtu, ne do të donim t’u bëjmë thirrje të gjitha mediave kroate që në mënyrë efektive të informojnë publikun,”-shkruhet në reagimin e klubit.
