Gentian Malindi është i shpallur në kërkim për 137 kg kokainë të kapur në dy kontenierë në Durrës.
Malindi është një person i njohur nga autoritetet shqiptare, pasi ai është arrestuar në vitin 2013 në lidhje me kapjen e një sasie prej 500 kg kanabis sativa. Në atë kohë gjykata e la të lirë, pasi një person tjetër mori përgjegjësinë për këtë sasi droge.
Avokati Ilir Malindi, i cili është edhe babai i Gentian Malindit tha për “Ora News” se ai nuk ka lidhje me kokainën e kapur në Durrës.
“Djali im nuk ka lidhje me lëndën narkotike të sekuestruar. Ai është shpallur në kërkim pasi një prej të arrestuarve ka përmendur emrin e tij si porositës. Gentian Malidni nuk do të dorëzohet derisa çështja të marrë zgjidhje ligjore”.
Ndërkohë policia ka arrestuar dy persona, Altin Myslihaka 35 vjeç dhe Ardian Bega 53 vjeç si të dyshuar në lidhje me kokainën në Durrës.
Dy të arrestuarit së bashku me Gentian Malindin, sipas policisë, ishin pritësit e sasisë prej 137 kg kokainë, e cila vinte nga Ekuadori dhe nëpërmjet Greqisë kishte mbërritur në Shqipëri.
Lexo edhe:
137 kg kokainë/ Punonjësi tregon urdhrin e biznesmenit: Çfarë na ndodhi te Shkëmbi i Kavajës…
Kush është biznesmeni i shpallur në kërkim për 137 kg kokainë (FOTO-EMRI)
Kokaina nga Ekuadori në Durrës/ 137 kg drogë e sekuestruar. Zbardhen detajet e aksionit
