Pas një ndjekje në ujërat greke mes policisë dhe skafistëve, ku pati dhe të shtëna me armë zjarri nga autoritetet greke, këta të fundit ia dolën të rrethonin skafin super të shpejtë, duke ndaluar dy shtetas shqiptarë dhe një italian. Siç shihet dhe në pamjet e sjella nga mediat greke, skafistët kanë qenë të maskuar me skafandër dhe maska.
Në aksionin e djeshëm detar u përfshi edhe një helikopter, i cili mbante nën shënjestër skafistët me snajper, ndërsa policët ishin të armatosur në ndjekjen e mjetit lundrues.
Ndjekja nisi pasi dyshohej se në gomone transportohet drogë. Megjithatë, nga raportimet nuk është gjetur sasi narkotike në gomone.
VIDEO/ Me duar lart përballë efektivëve me kallashë, dalin pamjet e ndalimit të shqiptarëve në Greqi
