Pas shumë kërkesave dhe akuzave të demokratëve, është publikuar biseda telefonike mes presidentit amerikan Donald Trump dhe homologut të tij ukrainas. Trump, sipas transkriptit, i ka kërkuar qartas presidentit të Ukrainës që të nisë hetimet kundër demokratit Joe Biden, që ka shpallur kandidaturën e tij për president të SHBA’së në zgjedhjet e 2020.
Presidenti amerikan, Donald Trump, i ka kërkuar Ukrainës të nisë hetime kundër djalit të kandidatit demokrat për president amerikan, Joe Biden, raporton The Guardian.
Një transkriptë që është publikuar sot tregon se Trump ka diskutuar me presidentin ukrainas kryesisht për Joe Bidenin, avokatin e Trumpit, Rudy Gulian, dhe Robert Mueller, që ka përgatitur raport mbi ndikimin e Rusisë në zgjedhjen e Trumpit president.
Ligjvënësit demokratë po e akuzonin Trumpin se i ka kërkuar favor presidentit ukrainas për të nisur hetime ndaj Bidenit, djali i të cilit kishte punuar në Ukrainë.
Trump deklaratat e demokratëve i ka quajtur “gjueti të shtrigave”, duke thënë se pasi të dalë transkripti i bisedës me homologun e tij ukrainas, demokratët duhet t’i kërkojnë falje.
“A do të kërkojnë falje demokratët pasi të shohin se çka është thënë në telefonatën me Presidentin e Ukrainës? Ata duhet, sepse ishte një telefonatë e përsosur – i kapi ata në befasi”, ka shkruar Trump në Twitter.
Transkripti doli, dhe skandali duket edhe më i thellë.
Sipas transkriptit të telefonatës, Trump e ka kërkuar nisjen e hetimeve për Bidenin dhe djalin e tij.
“Aty është folur shumë për djalin e Bidenin, se Eiden ka ndalur ndjekjen ligjore dhe shumë njerëz dëshirojnë të dinë se cka ka ndodhur, kështu që, nëse do të mund të bësh me Prokurorin e Përgjithshëm, do të ishte e mrekullueshme. Biden po lëvdohet se i ka ndalur hetimet, kështu që nëse mund të shikosh… ajo po më duket e tmerrshme”, i ka thënë Trump presidentin ukrainas.
“Do të doja të ma bëje një favor sepse shteti ynë ka kaluar nëpër shumë gjëra dhe Ukraina di shumë për këtë. Do të doja që ti ta zbuloje se cka ka ndodhur më krejt këtë situatë”, ka thënë Trump gjatë bisedës telefonike.
Ish-kundërkandidatja e Trumpit në zgjedhjet presidenciale të vitit 2016, Hillary Clinton, përmes një postimi në Twitter, ka thënë se ‘Presidenti sapo e ka tradhtuar Shtetin’.
