Kryeministri Edi Rama publikoi një foto me Presidentin amerikan, Donald Trump, gjatë qëndrimit në New York.
Disa nga mediat në Shqipëri e kanë trajtuar foton si pjesë të një takimi, disa të tjera si një foto protokollare, që Presidenti amerikan bën me Presidentët apo Kryeministrat që marrin pjesë në punimet e Asamblesë së Kombeve të bashkuara.
Ndërkohë, nënkryetari i PD-së, Edi Paloka, ka reaguar në rrjet lidhur me foton e publikuar nga Rama.
“Iku në kulmin e emergjencës për vendin duke deklaruar se kishte takim me Presidentin Trump !!!
Tani nëpërmjet Karlove të tij, përpiqet t’ju shesë shqiptarëve foton protokollare që Presidenti Trump bën me gjithë kryetarët e delegacioneve pjesëmarrës në OKB, si “takim”.
Nuk e di si ka pranuar Rama të bëj foto me atë që ca kohë më parë e quante “turp të njerëzimit” por e sigurtë është që për këtë foto nuk janë harxhuar 80 mijë dollarë si në rastin kur Rama pozonte pranë Presidentit Obama në rolin e bashkeshortes gay të Bilalit”, shkruan Paloka.
