Ish-kryeministri Sali Berisha deklaroi se mënyra e vetme për të hapur negociatat është largimi i Edi Ramës nga drejtimi i qeverisë.
“Nëse duan negociata duhet të çlirohen nga Rama. A do ngrihen? Unë them se po”, tha Berisha në një intervistë për “Syri.net”.
“Pres ndryshime të fuqishme. Pakënaqësia ndaj Ramës është në rritje shumë të madhe, pakënaqësia do shpërthejë pa diskutim. Kam bindjen se opozita do jetë në krye të kësaj. Këtu s’mund të marrim periudha të përkohshme, por Rama as hap negociatat as ka të ardhme si kryeministër i këtij vendi. Rama do largohet në mënyrë më të sigurt me faqen e zezë që i ka bërë Shqipërisë dhe shpejt”, shtoi.
Para 2021?
“Pa diskutim”, u përgjigj Berisha.
/BN/
