Më kanë hequr nga politika kur kisha për të dhënë më shumë. Kështu u shpreh ish-Kryeparlamentarja Jozefina Topalli, e cila u nderua me çmimin e karrierës në Universitetin e Shkodrës.
“4 persona mbajnë sot peng vendin, vetëm fëmijët tanë mund të sjellin ndryshimin. Do të ishte më mirë të iknin katër shahista, sesa të largohen shqiptarët nga vendi i tyre”, u shpreh Topalli.
Ish-kryetarja e Kuvendit theksoi se ishte surpizuar nga marrja e çmimit, pasi sipas saj kur bie nga pushteti zakonisht humbet edhe shansin për tu vlerësuar dhe për tu nderuar.
“Isha me djalin e porsalindur të vajzës në krah kur mora mesazhin nga një pedagoge e universitetit dhe më tha se do nderohesha me një çmim. U habita se kur bie nga pushteti nuk të japin çmime.
Unë isha mesuar që sistemi edhe pse isha e para hiqnin foton time nga tabela e nderit, as sot nuk ka ndërruar sistemi. Nëse kritikon shefin shpallesh armike.
Kurrë nuk e kam imagjinuar se do isha kryeparlamentare, por as në ënderr se kam imagjinuar se në liri do kishte mungese përfaqesimi dhe djegie mandatesh”, tha ajo.
