“Opozita e re” e pëfaqësuar në tryezën e thirrur nga OSBE për reformën zgjedhore nga Rudina Hajdari, Ralf Gjoni dhe Kujtim Gjuzi, ka braktisur tryezën e organizuar nga Bernd Borchardt.
Përfaqësuesit e opozitës së re u ndjenë të anashkaluar, pasi fjala iu dha Ivi Kasos, ekspertit që përfaqësonte PD dhe opozitën e bashkuar.
Kaso mori fjalën pas Borchardt dhe Damian Gjiknurit, gjë që solli reagimin e Kujtim Gjuzit. Por këtij iu kundërvu Damian Gjiknuri dhe duket se ky moment solli reagimin e deputetëve të opozitës së re.
Ralf Gjoni kërcënoi PS-në se nuk do të ketë asnjë votë nga opozita, në rast se ka një marrëveshje të fshehtë me Partinë Demokratike.
Sipas Gjonit të dyja partitë e mëdha në vend i fshihen debatit për ndryshimin e sistemit, dhe kjo ka bërë që ata të mos e gjejnë veten të vlerësuar në tryezën e sotme.
Gjithashtu Myslim Murrizi tha se PS të shkonte të merrte votat e deputetëve të PD, pasi votat e tyre nuk i kishin.
“Ne po largohemi, shkoni merrni votat e PD”, tha Murrizi.
