Zona rreth stadumit “Arena Kombëtare” është përmbytur totalisht. Video e mëposhtme tregon gjendjen katastrofike të rrugës, e cila nuk dallohet më se ccfarë është dhe më shumë ngjan me një përrua.
Është pikërisht e njëjta zonë ku me mburrje flitet për përfundimin e stadiumit kombëtar, por që në fakt zona përreth është katandisur më keq se rrugët në zonat rurale.
Madje, është vështirë të qarkullosh edhe me automjete të ulëta.
Ndoshta për shumë zona të tjera në kryeqytet, pavarësisht se Rama është prej 6 vitesh në postin e Kryeministrit dhe Lali Eri prej 4 vitesh si kryebashkiak, mund të justifikohen me “fajin e ka paraardhësi”, në rastin konkret çdo justifikim nuk qëndron.
Nga projektimet deri te punimet, mbajnë firmat e Lali Erit, Edi Ramës dhe Albstarit, kompanisë që ndërtoi stadiumin.
