Kushtet e reja që Bundestagu gjerman i shtoi Shqipërisë në rrugëtimin e çeljes së negociatave, për kreun e LZHK-së dhe ish deputetin, Dashamir Shehi, nuk janë asgjë më shumë sesa kërkesat e opozitës.
Në një intervistë për Ora News, Shehi u shpreh se drita jeshile për Shqipërinë ehe pse me kushte është një lajm i mirë.
“Është një lajmi mirë që mund të na vite edhe nga miqtë më të mirë që ka Shqipëria në Evropë. Në një farë mënyre u mbërrit ajo që opozita ka kaërkuar. Jo vetëm që të jemi në Evropë, ta bëjëm këtë hap dhe ta heqim këtë pjesë të burokracisë. Siç edhe Basha shkoi në Bruksel dhe loboi për këtë punë. Siç edhe atmosfera para 18 tetorit është vetëfrenuese në një farë mënyre.
Ishte për tu mbërritur ky lloj rezultati, që nuk është përfundimtar sepse pritet të vendosin edhe vende të tjera. Ne si opozitë, por edhe të gjithë shqiptarëve na leverdis kjo lloj pune, është më e mira e mundshme për Shqipërinë dhe shqiptarët.
Sepse i kanë vënë kushte kësaj qeverie. Kushte që me thënë të drejtën janë kërkesat e opozitës. Ato që kemi kërkuar ne që nga çadra e parë zgjedhje të lira dhe të ndershme, të dënohen kriminelët dhe që i kemi shtuar së fundmi që të hetohet krimi zgjedhor dhe a janë të ligjshme zgjedhjet e 30 qershorit apo jo. Këto janë të gjitha në kushtet e Bundestagut gjerman”, deklaroi Dashamir Shehi.
Grupimet politike që qeverisin Gjermaninë CDU-CSU, kanë vendosur që negociatat për Shqipërinë të hapen vetëm pasi të plotësohen 9 kushte, të cilat lidhen me krizën politike, reformën në drejtësi dhe zgjedhjet e lira.
Në një rezolutë të miratur për Shqipërinë, dy grupimet politike gjermane theksojnë se pa zgjidhur krizën politike është e vështirë për Shqipërinë të nisë negociatat me BE.
CDU-CSU, thekson gjithashtu se nevojitet një vendim urgjent i Gjykatës Kushtetuese për ligjshmërinë e zgjedhjeve të 30 qershorit, ndërsa kërkon që reforma zgjedhore të vazhdojë aty ku ka ngecur që në dhjetor 2018-ës.
