Policia e Tepelenës me anë të një njoftimi për shtyp ka bërë me dije janë vënë në pranga katër shtetas për vepra penale të ndryshme.
Në fshatin Memaliaj një person është arrestuar pasi ka qëlluar me mjet prerës një 37 vjeçar i cili është jashtë rreziku për jetën.
Dy persona të tjerë janë arrestuar pasi dyshohet se ka kultivuar kanabis, teksa një person i katërt u arrestua për vjedhje.
Njoftimi i Policisë
Tepelenë
Vijon puna për goditjen e paligjshmërisë dhe vënien para përgjegjësisë të personave që kryejnë vepra penale.
Arrestohen në flagrancë 4 shtetas për vepra të ndryshme penale.
Shërbimet e Komisariatit të Policisë Tepelenë arrestuan në flagrancë shtetasin E.S, 32 vjeç, banues në Memaliaj.
Ky shtetas ka qëlluar me mjet prerës, për motive të dobëta shtetasin E.K., 37 vjeç, banues në Memaliaj, i cili ndodhet në Spitalin Rajonal Gjirokastër, jashtë rrezikut për jetën.
———————–
U arrestua në flagrancë shtetasi A.Ç, 39 vjeç, banues në fshatin Hormovë, Tepelenë, për veprën penale “Vjedhje”.
———————-
Gjithashtu u arrestuan në flagrancë shtetasit R.B., 39 vjeçe dhe Q.B., 51 vjeç, banues në fshatin Dukaj, Tepelenë.
Arrestimi i dy shtetasve të mësipërm u bë pasi në afërsi të banesave të tyre, nga shërbimet e policisë u konstatuan të kultivuara disa bimë të dyshuara narkotike.
Materialet në ngarkim të shtetasve këtyre shtetasve i kaluan Prokurorisë pranë Gjykatës së Shkallës së Parë Gjirokastër për veprime të mëtejshme.
