Udhëzimi i bërë nga drejtuesja e Prokurorisë së Krimeve të Rënda, Donika Prela ku i kërkonte dy prokurorëve të çështjes të mbyllnin hetimet dhe të dërgonin në gjykatë të pandehurit e dosjes “Toyota Yaris”, është konsideruar shkelje e rëndë e ligjit.
Gazetarja Klodiana Lala e cila ka publikuar edhe lajmin deklaroi në emission “Real Story”, se veprimet e Donika Prelës janë në shkelje të ligjit dhe se ajo ka ndërhyrë në punën e prokurorit të çështjes, i cili ka ekskluzivitetin e plotë.
“Prokuroria nuk ka zbardhur skemën e pastrimit të parave. Ky udhëszim është urdhër nga ana e Donika Prelës. Donika Prela ka vepruar në kundërshtim të hapur me ligjin e ri. Prela do të ishte në rregull me ligjin nëse do t’u kërkonte prokurorëve të punonin fort me qëllim të mos zvarrisnin çështjen.
Prela në këtë rast nuk ka penguar vetëm zgjatjen e hetimeve, por ajo ka drejtuar hetimet.
Akti i drejtimit të dosjes në gjyq është e drejta e prokurorit të çështjes, për ta çuar ai në gjyq.
Ju konfirmojë faktin se ditën e sotme ka pasur një debat të fortë në Prokurorinë e Krimeve të Rënda mes Prelës dhe prokurorëve. Ajo e ka pranuar gabimin por arsyen pse e ka bërë, pra ka insisituar, duke edhe i kërcënuar se do t’i çonte për shkelje disiplinore në KLP.
Mesa duket vesi del me shpirtin dhe Prela po vepron sipas ligjit të vjetër.
Me ardhjen e saj në krye të krimeve të rënda kemi pasur, rrjedhje përgjimesh, humbje dosjesh”, deklaroi Lala.
