Megjithëse ndodhet në New York, Kryeministri Edi Rama, ka publikuar në rrjet disa foto mbi situatën e krijuar në qytete të ndryshme të vendit si pasojë e reshjeve të shumta.
“Mirëmëngjes, dhe me pamjet e punës që vijon pa ndërprerje për normalizimin e situatës pas stuhive të mbrëmshme, ju uroj një ditë të qetë”, shkruan Rama.
Disa nga qytetet, Tirana, Fushë Kruja, Lezha, Durrësi, Vlora dhe Laçi, kanë pasur përmbytje në zona të caktuara.
Deri më tani raportohen dhjetra banesa të përmbytura dhe dhjetëra familje të izoluara në fshatrat e Krujës dhe Laçit. Po kështu është bllokuar qarkullimi në autostradën Tiranë-Durrës pasi është përmbytur.
Aksi Milot dhe Fushë- Krujë- Milot kalohet me vështirësi.
