Kryeministri Edi Rama po zhvillon një takim me deputetët dhe kryetarët e bashkive të Tiranës dhe Durrësit, në vijim të kontakteve për përballimin e situatës pas lëkundjeve sizmike që u regjistruan ditën e djeshme.
Por Rama nuk e ka vënë re pjesëmarrjen e Kryebashkiakut Erjon Veliaj.
“Nuk e kemi sot Kryebashkiakun e Tiranës, atë ditën pa makina e shtyjmë dot”, u shpreh Rama, duke mos vënë re se Veliaj ishte pak karrige më tutje.
Kryebashkiaku i kryeqytetit ka bërë një përmbledhje të situatës në Tiranë, duke shtuar se ka pasur disa probleme në vogla në disa shkolla dhe çerdhe.
“Strukturat e godinave janë solide, por ka pasur disa probleme të vogla, si rënie suvash, ndonjë tjegulle. Sot bëhet pastrimi i përgjithshëm dhe nesër do të jenë gati”, tha Veliaj në prezantimin e shkurtër.
