Një tjetër tërmet me magnitudë 4.8 të shkallës Rihter është regjistruar në orën 00:07.
Sipas EMSC, tërmeti kishte epiqendrën 4 km larg Durrësit dhe 30 km nga Tirana, dhe një thellësi në Adriatik 10 km.
Lëkundjet raportohen se janë ndjerë në disa qytete të vendit në qarqet Tiranë dhe Durrës, ku edhe kanë shkaktuar panik te qytetarët, një pjesë e të cilëve vijojnë të qëndrojnë jashtë banesave.
Prej orës 16:04, kur u shënua lëkundja e parë sizmike me magnitudë 5.8, në Shqipëri janë regjistruar edhe 12 lëkundje të tjera të forta.
Gjatë ditës janë raportuar disa banesa të dëmtuara dhe disa persona të plagosur.
