Emergjencë kombëtare në televizion, e ka cilësuar ish-deputetja demokrate Dhurata Çupi, reagimin e Kryeministrit dhe qeverisë, lidhur me situatën e krijuar nga tërmetet.
Çupi në një postim në rrjet shkruan se edhe në ditët e vështira propaganda vazhdon.
“Të gjitha strukturat shtetërore në Tiranë. Dëgjojnë shefin e madh, në vend qe te jene ne terren.
Ai vazhdon insiston me Ertv që po punon shumë. Vetëm propagandë. Në terren asgjë. Qytetarët po përballojne çdo gjë vetë. Jashtë apo brenda shtëpive deri në këto momente asnjë zyrtar nuk ka shpëndarë qoftë edhe një batanije.
Gjendja e emergjencës nuk është shpallur. Nga buxheti i shtetit asnjë shifër sa është në dispozicion të kësaj ngjarje.
Asnjë e dhënë sa batanije dhe ushqime janë në dizpozicion. Prisni kur të miratojnë edhe një vendim për ta dhënë edhe tërmetin me PPP. Zoti e ruajtë vendin në këto momente të vështira!!”, shkruan Çupi.
