U përplas me policinë teks po ndiqej pasi u pikasë se ishte duke trafikuar drogë. Një shqiptar tenton t’i largohet policisë greke, përplas disa automjete të policisë dhe në tentativë për t’u larguar, përplaset fizikisht me ta. Ngjarja gjatë një operacioni për goditjen e një grupi të trafikut të drogës nga Shqipëria.
Policia greke pikasi 3 automjete, njëri prej të cilëve me targa shqiptare në Selanik. Një prej mjeteve, me drejtues shqiptarin 34-vjeç tentoi të largohej duke kryer manovra e duke përplasur policinë. Brenda atij mjeti policia gjeti 1 kg marijuanë ndërsa në banesën e drejtuesit edhe 25 kg të tjera.
Atij iu sekuestruan edhe 4 çanta që transportohej droga nga kufiri, 4 gram kokainë, 2140 euro dhe 8 celularë. Në pranga ranë dhe dy drejtuesit e tjerë të mjeteve, 44 dhe 50-vjeç.
