Pas dy vitesh bashkë, ndahet çifti që triumfoi në Big Brother, Danjeli dhe Fotinia. Lajmi bëhet i ditur nga e përditshmja “Panorama” në suplementin e përjavshëm “Plus”.
Çifti Fotini dhe Danjel u shpallën fitues të “Big Brother Albania” 9 në vitin 2017, ku dhe u njohën.
Pas një finaleje të fortë në përballje mes dy çifteve më të pëlqyera “Danieli dhe Fotini” dhe “Olsi dhe Fiorentina”, pas 100 ditës qëndrimi në shtëpinë e Big Brother, në finalen ka triumfuar çifti Danieli dhe Fotinia.
Çifti bëri të tyrin çmimin prej 100 milionë lekësh të vjetra, pas 100 ditësh qëndrimi brenda shtëpisë së famshme.
Për ndarjen e tyre u aludua edhe një vit më parë, megjithatë çifti hodhi poshtë zërat.