Në një linjë me reagimin e ambasadës amerikane në Tiranë, është edhe ai i ambasadës britanike.
Në një status në Twitter, ambasadori britanik në vendin tonë Duncan Norman, shprehet se vendimi i Krimeve të Rënda për ish-ministrin e Brendshëm tregon se sistemi i drejtësisë në Shqipërinë po ritet me maturitet. Por, shton ai, vendimi është zhgënjyes duke pasur parasysh akuzat e ngritura ndaj tij.
“Vendimi për Saimir Tahirin tregon që sistemi i drejtësisë në Shqipërinë po ritet me maturitet. Por është zhgënjyes vendimi i marrë kundër një sërë akuzazh të rënda të cilat ngrenë pikëpyetje që dhe tregojnë rëndësinë e rishikimit të reformës në drejtësi deri në fund”, shkruan Norman.
Tahiri u dënua dje me 5 vite burgim (3.4 vite për shkak të gjykimit të shkurtuar), por që u konverua në 3 vite shërbim prove. Gjykata e Krimeve të Rënda e rikualifikoi akuzën në shpërdorim detyre, duke rrëzuar akuzat për trafik droge dhe pjesëmarrje në grup kriminal ndaj ish-ministrit të Brendshëm. Ndërkohë, prokuroria kishte kërkuar 12 vite burgim në pretencën e saj.
