Ulsi Manja, kryetari i Komisionit të Ligjeve, ka reaguar pas vendimit të Gjykatës së Krimeve të Rënda ndaj ish-ministrit të Brendshëm, Saimir Tahiri.
Manja tha se kjo çështje i takon drejtësisë.
“Çështja Tahiri ngelet e drejtësisë. Si çdo qytetar tjetër, ai ka të drejtë të apelojë vendimin në të gjithë shkallët e drejtësisë”, tha Manja.
Tahiri u dënua me 5 vjet burg me akuzën e shpërdorimit të detyrës, por dënimi iu konvertua në 3 vjet shërbim prove.
