Të falen gjobat e vendosura nga AKU/ Ja çfarë propozon deputeti i Rilindjes

Deputeti socialist Ilir Beqja, ish-ministër i Shëndetësisë, ka paraqitur në Kuvendin e Shqipërisë një projektligj, që synon amnisti për një numër biznesesh që operojnë në sektorin ushqimor të ekonomisë së vendit, duke qenë se janë gjobitur për mungesë të licensave përkatëse, por të cilat më pas e kanë kryer këtë proces në përputhje me kërkesat e ligjit.

Pra, nuk është fjala për të falur gjoba që lidhen me cilësi të keqe të ushqimit të prodhuar apo tregtuar për konsumatorët, por për kundravajtje ligjore të shkaktuar nga mospajisja me leje sipas kërkesave të legjislacionit në fuqi.

Sipas relacionit shoqërues të projekligjit, qëllimi i tij është lehtësimi i barrës së operatorëve ekonomikë që kanë aktivitet kryesor prodhimin, përpunimin dhe shpërndarjen me shumicë të ushqimeve, si dhe shitjen me shumicë të prodhimeve shtazore, të cilët janë gjobitur nga AKU-ja, pasi nuk kanë qenë të licensuar për ushtrimin e aktivitetit në momentin e kryerjes së kontrollit, por që aktualisht janë pajisur me licensën përkatëse, sipas legjislacionit të licensimit.

LEXO EDHE  Borschardt u tregoi gishtin e mesit protestuesve/ Shpërthen Manjani: Gjeji vend zoti ambasador ...

“Nga kontaktet që unë, si deputet, kam patur kontakte me operatorë të ndryshëm ekonomikë të biznesit ushqimor, të cilët më kanë shprehur shqetësimin për gjobat e vendosura dhe bllokimin e aktivitetit. Këta të fundit janë shprehur se kanë qenë të painformuar për detyrimin e pajisjes me këto leje të veçanta”, thekson deputeti Beqaj.

Subjektet që janë gjobitur kanë bërë 1.415 kërkesa për licensë dy muajt e fundit pranë Qendrës KOmbëtare të Biznesit. Numri është 10 herë më i lartë në verën e 2019-ës krahasuar me verën e vitit 2018.