Gjykata e Krimeve të Rënda dënoi Saimir Tahirin me 5 vjet heqje lirie për shpërdorim detyre, vendim që iu konvertua në 3.4 vjet shërbim prove.
Pas vendimit pati reagime të shumta pro dhe kundër, ndërsa vetë Tahiri ka deklaruar se do të reagojë sot mbi atë se çfarë vendosi trupi gjykues.
Në fakt Tahiri akuzohej nga prokuroria për grup të strukturuar kriminal dhe trafik droge, por gjykata vendosi që t’a dënojë për shpërdorim detyre.
Lidhur me vendimin ka reaguar ish-komisari Dritan Zagani, i cili denoncoi i pari lidhjet e Tahirit me grupin e Habilajve.
“Ju shtua dhe një punonjës vullnetar Bashkisë Tiranë!
Lali qeke vërtet kodosh!”, shkruan Zagani, duke ironizuar kështu vendimin ndaj Tahirit.
