Një aksident me vdekje ka ndodhur pasditen e sotme në kryeqytet. Një automjet dhe një motor janë përplasur në rrugën “Stavri Themeli” e për pasojë ka ndërruar jetë drejtuesi i motoçikletës dhe është plagosur pasagjeri.
“Rreth orës 18:33 në rrugën ‘Stavri Themeli’ motoçikleta me drejtues M.M ka humbur kontrollin duke u përplasur me një automjet të parkuar në rrugë. Si pasojë e përplasjes ka ndërruar jetë në spital drejtuesi i motoçikletës shtetasi M.M, si dhe ndodhet nën kujdesin e mjekëve pasagjeri i motoçikletës shtetasi E. M. Grupi hetimor po vijon punën për sqarimin e rrethanave të ngjarjes, dhe shkakut të humbjes së kontrollit të motoçikletës”, njoftoi policia.