Bashkimi Europian ka dhënë 14.5 mln euro për realizimin e censusit të popullsisë dhe të banesave në Shqipëri për vitin 2020. Duke vënë në dukje faktin se censusi 2011 kishte paqartësi, ambasadori i BE-Luigi Soreca tha se censusi, me të dhëna të plota dhe të besueshme është baza e Shipërisë dhe e BE-së.
“Censusi, baza e Shqipërisë dhe BE-së. Politika efikase e integrimit europian bazohen në këto të dhënë që duhet të jenë të plota. Prandaj BE ka ndërmarrë hapa të vazhdueshme që të dhënat të mblidhen dhe të krahasohen në mënyrë të drejtpërdrejtë. Të dhënat duhet të jenë të plota dhe të besueshme. KE ka theksuar që censusi i 2011 nuk arriti të siguronte të drejtat e qytetarëve që të deklaronin origjinën etnike dhe besimin e tyre fetar”, tha Soreca.
Ndërkohë, ai është pyetur nga gazetarët edhe në lidhje me mendimin e tij sa i përket vendimit që dha dje Gjykata e Krimeve të Rënda, për ish-ministrin Tahiri.
“Duhet të lexoj vendimin e gjykatës pastaj të jap një mendim të plotë. Më jepni kohë të njihem më vendimin dhe pastaj të jap një mendim të plotë”, tha Soreca.
