Një grua palestineze është vrarë nga forcat izraelite pranë qytetit Ramallah në Bregun Perëndimor, bëri të ditur sot Ministria palestineze e Shëndetësisë.
“Gruaja palestineze, 50 vjeçare, u qëllua dhe u martirizua në kampin e refugjatëve në Qalandia në jug të Ramallahut”, tha ministria në një deklaratë.
Sipas mediave izraelite, gruaja u qëllua për gjoja përpjekjen për të goditur me thikë një ushtar izraelit.
Ajo u transferua në Qendrën Mjekësore Hadassah në Kuds, ku vdiq nga plagët e marra. Asnjë ushtar izraelit nuk u plagos në incident.
