VIDEO/ Tahiri shfaqet i qetë para vendimit, çfarë po ndodh te Krimet e Rënda

Teksa pritet të jepet vendimi, ish-ministri Brendshëm Saimir Tahiri ndodhet në ambientet e gjykatës në pritje të verdiktit të treshes gjykuese: Flora Hajredinaj, Ardit Mustafaj dhe Irena Gjoka.

Ish-ministri Saimir Tahiri, avokatët, prokurorët, e mbështetës të tij janë jashtë ambienteve të sallës së gjyqit, brenda Gjykatës për Krime të Rënda, në pritje të vendimit për ish-ministrin e Punëve të Brendshme dhe ish-drejtorit të Policisë së Vlorës Jaeld Çela.

Në ambientet e Gjykatës ka shumë mbështetës të Tahirit, ndërsa është e pranishme edhe një përfaqësuese e ambasadës amerikane në Tiranë. Në këto pamje, Tahiri shihet i qetë pret i qeshur vendimin, që është ende në pritje prej disa orësh.

LEXO EDHE  Dielli do të lindë sërisht më 19 tetor/ Genc Sejko tallet me Ramën (FOTO)

Tahiri akuzohet për “korrupsion të zyrtarëve të lartë”, “trafik të lëndëve narkotike kryer në bashkëpunim” dhe “grup të strukturuar kriminal” në kuadër të dosjes “Habilaj”.

Sipas Prokurorisë, Tahiri ka garantuar paprekshmërinë e grupit të Habilajve në trafikimin e sasive të mëdha të drogës drejt Italisë. Katër janë episodet e trafikut të listuar nga Prokuroria. I pari në 25.10.13, ku janë bllokuar 1,6 tonë kanabis, 27.2.14, ku janë bllokuar 287 kg, 29.7.14 ku janë bllokuar 293 kg dhe 8-9.5.15 ku janë bllokuar 880 kg.

Tahiri, në mbrojtjen e tij seancën e kaluar, pretendoi pafajësinë.