Pedagogu që u shfaq në video-skandalin e transmetuar në emisionin Stop është shtruar me urgjencë në pavionin e kardiologjisë në QSUT.
Mësohet se Denis Himçi ka pasur shqetësime në zemër dhe është dërguar në spital me urgjencë.
Boldneës.al ka mësuar se mjekët kanë konstatuar diagnozën e hipertrofisë së ventrikulit të majtë.
Dyshimet janë se shkak i sëmundjes ka qenë tensioni i lartë arterial që mund të ketë pasur pedagogu.
Ai ndodhet në mjediset e QSUT nën ruajtjen e policisë.
Himçi u shfaq në videon e transmetuar duke i premtuar një studenteje, që kishte ngelur në disa provime, se do t’a ndihmonte të kalonte, por i kërkonte puthje në shkëmbim të ndihmës.
