Gazetari dhe aktivisti i shoqërisë civile Aulon Kalaja e ka cilësuar si të dështuar nismën e Rilindjes për libra falas. Në studion e Faxneës, Kalaja tha se kjo nismë që u trumpetua si ndihmë për familjet shqiptare, u shndërrua në dhunë psikologjike ndaj nxënësve të shkollave.
“Në vend që t’a afronin fëmijën me librin, po e largojnë fëmijën edhe më shumë. Një nxënës ka frikë të kapë librin, të lexoje dhe të shënojë, sepse edhe në endër i del dyfytyrsia kërcënuese e Kryeministrit dhe Ministres së Arsimit”, tha Kalaja.
Në vijim ai theksoi “kemi parë Kryeministrin dhe ministren e Arsimit duke bërë presion mbi femijë e prindër me fjalët, “mos i shkarravisni librat, mos mbani shënime, mos i dëmtoni librat, do ketë penalitete, e të tjera si këto”.
“Ne ku t’a gjenim që fëmijët t’i mbanin afër librat dhe t’i shfletonin ato, por nuk qenka e thënë. Librat janë kthyer në “gogol” për nxënësit. Ndaj shumica e prindërve që kam takuar këtë vit, e kanë refuzuar dhunën psikologjike që ushtrohej mbi ta dhe fëmijet e tyre. Ata e kanë gjetur zgjidhjen, i kanë blerë librat e rinj”, tha Kalaja.
