Deputeti Myslim Murrizi është shprehur se ish-ministri Saimir Tahiri që po përballet në gjyq nën akuzën e grupit të strukturuar kriminal dhe trafik drogë mund të ketë filmime kompromentuese. Në fjalën e tij gjatë seancës së sotme plenarë në Kuvend, Murrizi u shpreh se nuk është dakort me këtë betejë që po zhvillohet kundër ish-ministrit të Brendshëm.
Ai foli në lidhje me ndryshimet e deputetëve ndër vite, përsa u përket aparencës së tyre dhe tha se si dihet, ndoshta Tahiri ka dhe ndonjë kasetë, që mund të implikojë persona të tjerë të politikës në lidhje me akuzat që i rëndojnë.
“Armani terital nga koka deri të këmbët. Po t’jua shikon kasetat e TVSH-së duken si brigadier. Sot iu shndrit surrati. Dhe kur flasin për luftë kundër korrupsionit është gallatë e madhe. Aty ku bashkë hapët shamanjë dhe ndryshuat emrin e partisë nga PPSH në PSSH, filluat të ndryshonit edhe emrat tuaj. Nga Jorgo në Kajmak, nga shërbeti në kos. Ndaj jam kundër kësaj beteje false që keni me njëri-tjetrin. Mbase dhe Tahiri ka ndonjë kasetë dhe do e shihni këtë në orën 16:00, kur të plasë filmimet,”– tha Murrizi ndër të tjera.
