Referuar raportimeve dezinformuese që janë shfaqur kohët e fundit në disa portale në Shqipëri lidhur me blerjen e mundshme nga Diaverum International AB (“Diaverum International”) të “DiaVita” Shpk (“DiaVita”), pronësisë dhe statusit të Diaverum International, ka reaguar Diaverum International.
Në një reagim zyrtar, thuhet se Diaverum International është një degë tërësisht në pronësi të Diaverum Group, i cili ka mbi 11,000 punonjës dhe 35,000 pacientë në 20 shtete në katër kontinente. Duke qenë se Diaverum International është një kompani brenda Grupit Diaverum, ajo nuk ka asnjë punonjës ose fluks të pavarur të ardhurash. Këto lloj strukturash janë tipar i zakonshëm brenda grupeve ndërkombëtare dhe nuk nënkupton në asnjë mënyrë që Diaverum International është një kompani “fantazmë” ose “guackë”, ose të mos jetë nën kontrollin dhe mbikëqyrjen e plotë të Grupit Diaverum – Bordi i tij i Drejtorëve përfshin Drejtorin Ekzekutiv, Drejtori i Përgjithshëm i Financave, dhe Drejtori i Bordit i Grupit Diaverum.
Grupi Diaverum ofron kujdes të klasit të parë për dializën dhe ka bërë disa hyrje të suksesshme në tregjet e reja, duke përfshirë: Brazilin (2.400 pacientë), Maqedoninë e Veriut (700 pacientë) dhe Arabinë Saudite (4,400 pacientë). Në secilin treg që Diaverum ka hyrë, ne krenohemi të përmirësojmë ndjeshëm rezultatet e pacientëve dhe të fitojmë besimin e shoqatave të pacientëve dhe të autoriteteve të kujdesit shëndetësor. Ne jemi të bindur që ky do të jetë rasti edhe për Shqipërinë pas blerjes sonë të parashikuar të DiaVita, dhe natyrshëm do të ofrojmë mbështetjen e plotë të të gjithë Grupit Diaverum për të mundësuar që DiaVita të ofrojë përkujdesje cilësore për pacientët e saj si dhe të përmbushë detyrimet e saj ndaj Ministrisë së Shëndetësisë dhe Mbrojtjes Sociale.
Rreth Diaverum – Diaverum është një ofrues global i kujdesit renal me fokus pacientët. Si një nga ofruesit kryesorë të kujdesit renal në botë, ne zotohemi për cilësi të shkëlqyera mjekësore, shërbime të kudesit renal dhe si dhe studime kërkimore për pacientët. Duke mos qenë prodhues por vetëm ofrues të shërbimit, kjo na jep fleksibilitetin për të ofruar trajtime individuale për nevojat e pacientëve tanë dhe duke koordinuar nevojat e kudesit shëndetësor të pacientëve, ne po përmirësojmë cilësinë e jetes së tyre. Ne po krijojmë vlera në sistemin e kudesit shëndetësor duke optimizuar përdorimin e buxheteve të përkujdesit shëndetësor – për të mirën e pacientit dhe të shoqërisë. Përvoja jonë në kujdesin renal daton më shumë se 25 vjet më parë, kur u krijuar klinika e parë e dializës, nën emrin e mëparshëm Gambro Healthcare, duke përcaktuar rrënjët tona suedeze. Sot 11.000 punonjës përkujdesen për më shumë se 33.000 pacientë në 20 vende të Evropës, Amerikës Latine, Azisë dhe Lindjes së Mesme. Zyra qendrore e Diaverum ndodhet në Hyllie, Suedi. www.diaverum.com.
