Një ditë pasi Partia Demokratike dhe aleatët e saj vendosën që të refuzojnë ftesën për tu ulur në tryezën e Reformës Zgjedhore së bashku me mazhorancën, Nard Ndoka ka treguar arsyet e këtij vendimi në Fax News.
Ndoka është shprehur se zgjidhja e krizës do të vijë në sajë të një platforme të bashkuar për të cilën opozita është duke punuar.
“E vlerësojmë ftesën e OSBE, por vleresojmë akoma më tepër raportin e OSBE ODHIR, që bëri për zgjedhjet e 30 Qershorit.
Kemi pritur që OSBE të japë një deklarate dhe për këtë raport. Zgjidhja e krizës për ne vjen nëpërmjet një platforme që opozita e bashkuar po punon.
Kodi zgjedhor ka rëndësi të vecantë, mungon përgjegjsshmëria e Ramës për te gjetur zgjidhjen.
Rama është përballur me kërkesa të reja për BE-në, të cilat nuk mund ti plotësojë. Opozita mbetet e fokusuar në zgjidhjen e problematikës, ndërsa ftesa e Ramës ishte një thirrje dëshpëruese.
Pengesë për zgjidhjen e krizës nuk është kushti që Rama të jetë kryeministër por që Rama të pranojë që është shkaktari i krizës”,u shpreh Ndoka, ndërsa shtoi më tej se sa kohë që nuk mendohet një zgjidhje afatgjate, opozita nuk ka pse ulet në asnjë tryezë.
