Gjyqtarët janë mbledhur në Dhomën e Këshillimit për të vendosur për ish-ministrin Saimir Tahiri.
Ndërkohë avokati penalist Saimir Vishaj sqaroi për mediat se edhe nëse sot do të shpallet fajtor Saimir Tahiri, nuk do të arrestohet. Pra, edhe nëse dënohet me burg në shkallë të parë, ai do të qëndrojë jashtë hekurave derisa vendimi të marrë formë të prerë në apel, tha ai. “Ky vendim sot nuk nis pasojat juridike sepse sërish ai do të ketë cilësinë e të pandehurit edhe sikur të marrë pafajësi dhe pafajësi. Vetëm kur vendimi merr formë të prerë. Nuk ka asnjë arrestim sepse ka një masë sigurie që ka efekte juridike derisa vendimi të marrë formë të prerë. Në rastin konkret 15 ditë pasi të shpallet ose në rastin e Gjykatës së Posaçme 45 ditë pasi të zbardhet”.
Prokuroria kërkoi 12 vite burg për Saimir Tahirin, ndërkohë ish-ministri i Brendshëm kërkon pafajësinë.
Në rast se gjykata shpall fajtor ish-ministrin, mbrojtja ka paralajmëruar apelimin e vendimit.
