Damian Gjiknuri është eksperti më i mirë për çështjet zgjedhore. Vlerësimi është bërë nga Taulant Balla, kreu i Grupit Parlamentar socialist, pasi Gjiknuri deklaroi se ishte i gatshëm të tërhiqej si bashkëkryetar i komisionit të Reformës Zgjedhore, nëse opozita vjen në komision dhe e njeh atë.
“S’jam dakort me këtë qasje të kujtdo, qoftë edhe të PD që vendos kushte për palën tjetër. Gjiknuri duhet ta themi është eksperti më i mirë i reformave shumë vjecare zgjedhore në Shqipëri, është eksperiencë e dobishme në funksion të mënyrës së përkthimit të rekomandimeve të OSBE -ODHIR.
Nuk dua të hyj në debat pa kuptim, në demokraci kundërshtari nuk zgjidhet. Nuk dua të zgjatem në cështje që nuk është themelore. Kemi një situatë, në komision, për shkak të largimit nga parlamenti nuk janë të përfaqësuar në parlament, mirë është të njohin kolegët e tjerë opozitarë”, tha Balla.
“Secila prej palëve duhet të kuptojë që ne jemi kudnërshtarë por kur bie fjala për rëndësinë që ka reforma secila duhet të sjellë mendimet e veta që zgjedhjet e 2021 të bëhen sipas një kodi të ri zgjedhor.
Koha 18 muaj, tregon që është shumë e shkurtër po të kemi parasysh se nga momenti i miratimit te nisja e implementimit, sic është vota e emigrantëve, për qershorin 2021 koha që shqiptarët jashtë të votojnë me postë a votë ne njësitë diplomatike është shumë e shkurtër.
Çdo ditë e humbur në këtë ftesë të hapur të sinqertë është një ditë e shkuar dëm. “, tha Balla.
