Gazetari Dritan Kaba, ka ironizuar ftesën e kryeministrit Edi Rama, që ky i fundit ju bëri investitorëve italianë.
Sipas Kabës ftesa e Ramës nuk është e sinqertë, pasi fati i investitorëve të huaj në Shqipëri dihet tashmë, të gjithë mund të përfundojnë se biznesmeni libanoze-amerikan Fadi Mitri, i cili u rrah barbarisht dhe autorët ende nuk janë gjetur.
Ja postimi i Kabës:
EDI, EJANI INVESTONI, TË KENI FATIN E FADI MITRIT!
Edi në Pulia të Italisë duke folur në një panel me investitorë italianë, ai iu drejtua : Eja investoni, por po nuk shkuat tek Engjua mund të përfundoni edhe si ky këtu!
Shqipëria është vend i garantuar për investimet e huaja, tha Edi.
Ja shikoni këtë në foto. Edhe pse kanë kaluar plot tre vjet nga dhuna e ushtruar ndaj tij ende nuk janë gjetur autorët, që e rrahën dhe goditën me shkopa bejsbolli këtë investitor.
Ky shtet ju pret në Shqipëri.
Ejani të dashur investitorë!
P.S. Ky është Fadi Mitri, investitori i huaj, shtetas libanezo-amerikan, që u tërhoq nga investimi i plot 150 milion eurove, pas dhunës, presioneve dhe kërcënimeve të ushtruara ditën për diell. U kërcënua në zyrat e tij, u rrah dhe u gjymtua në rrugën e Rinasit.
