Seanca gjyqësore ndaj Saimir Tahirit është ndërperë për pak minuta. Kjo për faktin se mungonin në dosje provat që kishte paraqitur ish-ministri i Brendshëm. Ajo që bie në sy është prania e dy përfaqësuesve të Ambasadës Amerikane në sallën e gjyqit.
Dy zyrtarët amerikanë ishin që në orët e para të mëngjesit në Gjykatën e Krimeve të Rënda. Përfaqësuesit e Ambasadës Amerikane e kanë ndjekur procesin ndaj Tahirit prej disa seancash. Sa i takon përgjimeve dhe të dhënave të përftuar nga tabulatet telefonike, avokati tha se në asnjë rast prokuroria nuk ka kryer asnjë veprim hetimor për të vërtetuar se personi që i referohen në përgjime është Jaeld Cela apo jo.
Saimir Tahiri dhe Jaeld Çela akuzohen për trafik narkotikësh, në formën e grupit të strukturuar kriminal, së bashku me vëllezërit Habilaj.
