Albina Deda, ish-deputetja e partisë demokratike dhe vajza e saj Ada, ditën e sotme kanë qenë të ftuara në emisionin ‘Rudina’, në Tv Klan.
Por Ada, vajza e ish-deputetes është nëj prej personazheve më të përfolura në median rozë. Pasi ajo publikon në rrjetet sociale shumë foto dhe video provokuese, ku aq sa “like” merr aq shumë edhe ka komente negative në fotot e Adës.
E pyetur në lidhje me komentet negative në fotot e së bijës, ish-deputetja është shprehur se nuk i ka aspak problem, pasi pas tyre qëndron vetë ajo. Pra mami i bën këto foto seksi e provokuese të bijës.
“Fotot provokuese të vajzës i kam toleruar, por kam besim tek Ada. Duke qenë se edhe vetë kam qenë pjesë e ngacmimeve të mediave i kam marrë këto ngacmime si komerçializim të medias. Fillimisht kur shikoja portalet që shkruanin nuk ndihesha mirë, por kur vinte Ada e kaloja. Nuk i kam thënë asnjëherë që të ndalojë së bëri foto, madje kur shkojmë me pushime jam unë ajo që i bëj foto. Gazetaria dhe moda shkrihen mirë bashkë dhe në të ardhmen shpresoj që Ada të jetë një ndër gazetaret më të mira në vend. Kur të jetë profesionalisht e realizuar mund ti futet edhe politikës’, u shpreh ish-deputetja Deda.
Ndërsa vajza e saj u shpreh se edhe kur janë bërë lajme që e kritikojnë apo thumbojnë atë për veshjen dhe pozat provokuese, e ëma nuk i ka thënë gjë: Ka pasur edhe momente që kur shihte lajmet, mi çonte mua dhe më shkruante: Shiko çfarë kanë bërë. Por unë vija dhe e merrja me të mira. Asnjëherë s’më ka thënë mos bëjë foto, por kur jemi me pushime mi bën ajo fotot.
