“Dëshiroj të luaj për Shqipërinë”/ Olainka i rikthehet historisë së vjetër: Do të jem i lumtur

Peter Olainka, ish-futbollisti i Bylisit dhe Skënderbeut vazhdon të shkëlqejë në Çeki me ekipin e Spartës së Pragës. Së fundmi, ai shkëlqeu në Champions League ku arriti të shënonte gol dhe të shpallej lojtari më i mirë i ndeshjes në barazimin 1-1 në transfertë përballë Interit.

Në një prononcim për mediat çeke, Olainka, ka zbuluar se vazhdon të shpresojë se mund të natyralizohet dhe një ditë të veshë fanellën e Shqipërisë. Ai zbulon gjithashtu se ka qenë shumë pranë ftesës në të kaluarën, teksa nuk e fsheh dëshirën që kjo ëndërr të bëhet realitet në të ardhme.

LEXO EDHE  Gazzetta dello Sport: Hysaj largohet nga Napoli në Janar, ja skuadra e re

“Kishte shumë diskutime rreth kësaj mundësie dhe nuk kam qenë kundër. Në një moment isha shumë afër, le të themi 60 me 40, për t’iu bashkuar Shqipërisë. Unë mësova pak gjuhën dhe më tërhiqte ideja. Nuk është bërë ende realitet, por nëse çdo gjë shkon në rregull, do të dëshiroja të luaja për ata. Nëse më thërrasin ndonjëherë në të ardhmen, do të jetë e shkëlqyer, do të jem i lumtur. Por nëse jo, ka opsione të tjera”, u shpreh sulmuesi