Policia e Shtetit ka shpallur në kërkim 4 persona lidhur me vrasjen e ish-policit, Santiago Malko, ngjarje e ndodhur mbrëmjen e 27 gushtit në Tiranë, në afërsi të zonës së njohur si Xhamlliku.
Sikundër raportohet, personat e shpallur në kërkim janë E.D, I.S, O.L dhe E.G, për të cilat pritet që policia dhe prokuroria të qartësojnë rolin që kanë pasur në krimin e kryer. Ndërkohë dyshohet se E.M, është pronari i mjetit me të cilin u krye vrasja e Malkos.
Deri më tani lidhur me vrasjen e Malkos, policia ka arrestuar vetëm Blendi Tetën, i cili akuzohet për moskallzim krimi.
Dyshimet janë se roli i tij ka qenë ai i informatorit për lëvizjet e fundit të Malkos, edhe pse ky i fundit ka mohuar një gjë të tillë, gjatë marrjes në pyetje.
Pas ndalimit, 39 vjeçarit i janë sekuestruar dy aparate celularë, kqyrja e të cilëve pritet të hedhë edhe më shumë dritë mbi dyshimet e policisë.
Sipas raportimeve, nga kqyrja e kamerave të sigurisë, Teta është vërejtur të kalojë pranë vendit të ngjarjes, duke ngritur dyshimet se mund të jetë pjesë e atentatit ndaj Malkos.
Vrasja e ish-efektivit të policisë, Santiago Malko ndodhi mbremjen e së martës së 27 gushtit rreth ores 22.20.
Malko u qëllua me breshëri nga një tjetër automjet, që dyshohet se u gjet i djegur në periferi të Tiranës, në zonën e Linzës.
Ndaj Malkos është qëlluar me kallshnikov, ndërsa u raportua se u gjetën 10 gëzhoja, por dyshimet janë se ndaj tij janë zbrasur më shumë plumba, ndërsa gëzhojat kanë mbetur në automjetin e përdorur nga autorët.
Në pak sekonda viktima ka humbur kontrollin dhe mjeti është përplasur me murin e kompanisë aleat ndërkohë që në morinë e shumtë të plumbave, dy kanë qënë vdekjeprures për të riun duke e kapur ne organet jetesore.
