Presidenti Ilir Meta ka depozituar në Kuvend raportin me informacionin sekret, që i kanë dërguar agjensitë ligjzbatuese, ku përfshihet edhe SHISH, lidhur skenarët që mund të viheshin në zbatim me 8 qershor, ditën kur opozita kishte njoftuar protestën kombëtare kundër Edi Ramës, dhe Kreu i Shtetit njoftoi për anullimin e mbajtjes së zgjedhjeve me 30 qershor.
Po pavarësisht se Meta ka dorëzuar dokumentet, Komisioni Hetimor për shkarkimin e tij, ende nuk është njohur me këtë material, pasi shumë prej anëtarëve nuk kanë certifikatë sigurie.
Nuk dihet se si do të veprohet me raportin e klasifikuar si sekret, pra a do të mundet të merret në dorë nga të gjithë ligjëvënësit, nëse ata do të pajisen me certifikatë sigurie, apo raporti do të posejdohet vetëm nga ata që kanë një certifikatë të tillë.
Por me dorëzimin e dokumentit apo raportit sekret, Meta i ka dhënë fund dyshimeve apo hamendësimeve se informacionet ishin shpikur, apo se nuk ekzistonin skenarër për djegien e Parlamentit nga individë që nuk kanë pasur lidhje me protestat e opozitës.
Ndërkohë që në mbledhjen e sotme të Komisionit Hetimor për shkarkimin e Metës u vendos shtyrja e afateve të punimeve me dy muaj, në pritje të opinionit të Venecias që do të jepet në datën 11 Tetor.