Një e re ka ndërruar jetë këtë të mërkurë në Librazhd pasi ka konsumuar fotoksinë.
Burime nga policia lokale thanë se viktima është 26-vjeçarja me iniciale A.C. nga Fshati Togëz. Dyshimet paraprake janë se ajo ka konsumuar fotoksinë dhe për pasojë ka humbur jetën. E reja kishte probleme të shëndetit mendor, thanë të njëjtat burime, duke iu referuar dëshmive të familjarëve.
Policia ende nuk ka një njoftim zyrtar lidhur me rastin.
Vitin e shkuar, 213 persona në Shqipëri, sipas Institutit të Statistikave, i kanë dhënë fund jetës. 14 më shumë se në vitin 2017.
